رائــــعة أدبـــية { ماظل}بقلـــم الشاعــرالقدير المتميز المبدع{ رائــد ســويــدان}

 

ما ظل من الحكي يا روح ولا قطمير

ماظل سر عندنا مخبى ما ظل بير

عرّانا الزمن غصب عنا والستر مشقوق

والشيب عمرو ما عرف بكبير ولا بصغير

عرّانا الزمن و وصلت معو ..

يسلب من فوقنا الغطا ويسرق من تحتنا الحصير

أوف اوف اوف

لا جامع يهدي حدا

لا كنيسة

لا خلوة

ولك ولا حتى دير

كل المواقع عدو

لها الشعب الفقير

ما ظل عزيز ولااااا ظل صواع

كل شي من بين أيادينا ضاع

وما عاد في قافلة محملة بطحين

ضاع الجمل بما حمل

وشردت معاه العير

.....

اي اي رح أسكت وسدو

هاد الزمن مو مأمون ردو

يمكن الحكي جريمة وعقابها

إعدام بالميدان ..

أو عالقليلة فيها قطع لسان

لنو بهالزمن كل شي حق

عيب نحكي فيه ولك والاعظم من هيك بتكون مجرم اذا تملك ضمير... ......

 

ٱلنٌےـفُےـمِےـ ٱلحًےـٱئر